تحذير: الموضوع ده ممل جدا و يدعو للاكتئاب
اعترف اني لما عملت المدونة امبارح ملقبتش حاجة اكتبها
لكن انهردة حاسس اني متدايق جدا... مش عارف ليه
بس فبما ان دي مدونتي. فانا فكرت افضفض هنا. خاصة اني مش لاقي حد من اصحابي اكلمه
هو انا مدايق ليه؟!!!!
هو مود كده بيجيلي و مش ببقى عارف سببه ايه
يمكن حاجة بتبقى حصلت و دايقتني و انا مش مدرك ده
أو تراكم كذا حاجة دايقتني حصلت ورا بعض .. و حصلت انهردة حاجة مثلا صغيرة محسيتش بيها..
بس الحاجة الصغيرة دي كانت القشة التي قصمت ظهر البعير.
أو ممكن استمرار مشكلة معينة لفترة. و بيبقى متهيألي اني متعايش مع المشكلة لغاية ما اكتشف انها مدايقاني فعلا
- في تجربة علمية بتقول انك لو حطيت ضفدع في مية بتغلي هتلاقيه نط منها على طول. انما لو حطيته في مية عادية و قعدت تسخنها لغاية ما توصل لدرجة الغليان هيفضل جواها و هيموت-
امممم.... أنا شخصيا معرفش انا مدايق ليه
مع اني انهردة بالذات قابلت شخص عزيز عليا جدا و كان بقالي اسبوعين مشفتوش..
المفروض ابقى فرحان؟!!! مش كده!!
أو يمكن ده رد فعل عكسي لفرحتي لما شفته!!!
معرفش
كل اللي اعرفه اني بقالي تمن سياعات بضيع وقتي في اي حاجة و أأربع في مية و افتح روايات قريتها قبل كده و اقرا فيها شوية و بعدين ارميها و اقوم اشغل اي حاجة على الكمبيوتر و ارجع انام على السرير و ارجع "أحملق" في السقف بلا هدف
و في الاخر قاعد اشرب كباية ليمون و اسمع رامي صبري و اكتب في بوست ملوش معنى لناس غالبا متعرفنيش ...
منتهى الروعة.
بس تصدقوا احساسي احسن شوية بعد ما كتبت البوست ده
هو غالبا مش بسبب الفضفضة. لكن كباية الليمون فرفشتني شوية :D
عامة شكرا انكم استحملتوا فضفضتي المملة دي. و لو كان حد اكتأب فانا اسف بس انا حذرت من الاول...
اتمنى المرة الجاية اكتب حاجة مفيدة فعلا و تكون حالتي احسن من كده
سلامو عليكو
اعترف اني لما عملت المدونة امبارح ملقبتش حاجة اكتبها
لكن انهردة حاسس اني متدايق جدا... مش عارف ليه
بس فبما ان دي مدونتي. فانا فكرت افضفض هنا. خاصة اني مش لاقي حد من اصحابي اكلمه
هو انا مدايق ليه؟!!!!
هو مود كده بيجيلي و مش ببقى عارف سببه ايه
يمكن حاجة بتبقى حصلت و دايقتني و انا مش مدرك ده
أو تراكم كذا حاجة دايقتني حصلت ورا بعض .. و حصلت انهردة حاجة مثلا صغيرة محسيتش بيها..
بس الحاجة الصغيرة دي كانت القشة التي قصمت ظهر البعير.
أو ممكن استمرار مشكلة معينة لفترة. و بيبقى متهيألي اني متعايش مع المشكلة لغاية ما اكتشف انها مدايقاني فعلا
- في تجربة علمية بتقول انك لو حطيت ضفدع في مية بتغلي هتلاقيه نط منها على طول. انما لو حطيته في مية عادية و قعدت تسخنها لغاية ما توصل لدرجة الغليان هيفضل جواها و هيموت-
امممم.... أنا شخصيا معرفش انا مدايق ليه
مع اني انهردة بالذات قابلت شخص عزيز عليا جدا و كان بقالي اسبوعين مشفتوش..
المفروض ابقى فرحان؟!!! مش كده!!
أو يمكن ده رد فعل عكسي لفرحتي لما شفته!!!
معرفش
كل اللي اعرفه اني بقالي تمن سياعات بضيع وقتي في اي حاجة و أأربع في مية و افتح روايات قريتها قبل كده و اقرا فيها شوية و بعدين ارميها و اقوم اشغل اي حاجة على الكمبيوتر و ارجع انام على السرير و ارجع "أحملق" في السقف بلا هدف
و في الاخر قاعد اشرب كباية ليمون و اسمع رامي صبري و اكتب في بوست ملوش معنى لناس غالبا متعرفنيش ...
منتهى الروعة.
بس تصدقوا احساسي احسن شوية بعد ما كتبت البوست ده
هو غالبا مش بسبب الفضفضة. لكن كباية الليمون فرفشتني شوية :D
عامة شكرا انكم استحملتوا فضفضتي المملة دي. و لو كان حد اكتأب فانا اسف بس انا حذرت من الاول...
اتمنى المرة الجاية اكتب حاجة مفيدة فعلا و تكون حالتي احسن من كده
سلامو عليكو
